កន្លែងគេងគឺជាកន្លែងដែលសំខាន់សម្រាប់ជីវិតរបស់យើងសព្វថ្ងៃ ហើយក៏ជាកន្លែងដែលយើងចំណាយពេល ១/៣នៃការរស់នៅប្រចាំថ្ងៃ។ ដូច្នេះយើងត្រូវយកចិត្តទុកដាក់លើពូក ខ្នើយ ដែលយើងប្រើប្រាស់ជាប្រចាំថ្ងៃ។ ជាធម្មតាពូកដែលយើងប្រើប្រាស់រាល់ថ្ងៃមានមេរោគយ៉ាងតិចពី 100,000 ដល់ 10លានក្បាល ដែលកំពុងបង្កកំណើតនិងរស់នៅក្នុងនោះ។ ហើយមេរោគនោះមានឈ្មោះថា Dust mite ។ មិនត្រឹមតែប៉ុណ្ណោះទេ ចំពោះពូកខ្នើយដែលប្រើប្រាស់ចាប់ពី២ឆ្នាំឡើងទៅ គឺការកើតឡីងនៃ Dust mite ខ្ពស់ជាងធម្មតា ១០%។
តើអ្នកដឹងទេថាសព្វថ្ងៃអ្នកបែកចែកពូកគេងរបស់អ្នកជាមួយនឹងអ្វី? តើអ្វីទៅជា Dust mite? Dust mite មិនមែនជាសត្វល្អិត ប៉ុន្តែវាមានរូបរាងស្រដៀងនឹងពីងពាង និងចៃ។ Dust mite មានទំហំ0.3mm តូចមិនអាចមើលឃើញ ហើយវាមានជាង ១៥០ប្រភេទទូទាំងពិភពលោក។ ជាទូទៅវារស់នៅនិងកើតឡើង ពីកោសិកាស្បែកងាប់របស់យើង ។ វាកើតមានច្រើននៅ លើពូក ខ្នើយ និងព្រំ ដែលអាចមានចំនួនដល់ទៅ ១០លានក្បាល។ ហើយវាអាចបំបែកខ្លួនរស់នៅគ្រប់ទីកន្លែងក្នុងគេហដ្ឋានរបស់យើង មិនត្រឹមតែប៉ុណ្ណោះទេ វាអាចហោះហើរនៅក្នុងខ្យល់នៃបរិយាកាសក្នុងគេហដ្ឋានផងដែរ។ តើ Dust mite មាននៅកន្លែងណាខ្លះ? Dust mite មាននៅគ្រប់ទីកន្លែងក្នុងគេហដ្ឋានរបស់យើងដូចជា ក្នុងកំរាលព្រំ ខោអាវ សាឡុងប្រភេទសាច់ក្រណាត់ តុក្កតា សត្វចិញ្ចឹម ខ្យល់អាកាស ជាពិសេសគឺនៅក្នុង ពូក ខ្នើយរបស់យើង។ តើ Dust mite បង្កផលប៉ះពាល់អ្វីខ្លះដល់មនុស្សយើង? Dust mite បង្កផលប៉ះពាល់ដល់មនុស្សយើងយ៉ាងច្រើន ជាពិសេសទៅលើផ្លូវដង្ហើម ដែលបង្កជាជំងឺហឺត និងអាលាក់ហ្ស៉ី។ ជាទូទៅ Dust mite បណ្តាលឲ្យ · កុមារងាយប្រឈមមុខនឹងជំងឺផ្លូវដង្ហើម ដូចជាឧស្សាហ៍ក្តៅខ្លួន ផ្តាសាយ ហៀរសំបោរ ក្រហមភ្នែក កន្ទួលរមាស់ និងរលាកបំពងកជាដើម។ · ស្រ្តីមានផ្ទៃពោះ ឆាប់ធុញថប់ជាមួយបរិយាកាសក្នុងគេហដ្ឋាន ធ្វើឲ្យឆាប់ហត់ សំរានមិនសូវស្កប់ស្កល់។ · យុវវ័យ បង្កឲ្យកើតមុន ឬកន្ទួលរមាស់ជាដើម។ · មនុស្សចាស់ ឆាប់អាលាក់ហ្ស៉ីស្បែក និងឧស្សាហ៍ថប់ដង្ហើម។
តើយើងអាចធ្វើការកំចាត់ Dust mite បានដោយរបៀបណា? ដើម្បីធ្វើការកំចាត់ Dust mite បានដោយមានប្រសិទ្ធិភាពគឺមានតែប្រើប្រាស់ម៉ាស៊ីនបូម ឬម៉ាស៊ីនបន្សុទ្ធខ្យល់ ដែលប្រើប្រាស់នូវប្រព័ន្ធចំរោះ HEPA តែប៉ុណ្ណោះ។ ព្រោះប្រព័ន្ធចំរោះ HEPA មានលទ្ធភាពក្នុងការសម្អាតនឹងទប់ស្កាត់មេរោគបាន ៩៩/៩៧% នៃមេរោគដែលមានទំហំ០.៣មីក្រូប (Dust mite មានទំហំជាមធ្យមពី ០.៣ទៅ១០មីក្រូប)។ |